ALBERTUS cogn. Achilles Germanicus


ALBERTUS cogn. Achilles Germanicus
ALBERTUS cognomine Achilles Germanicus
aliis Ulysses, fil. Friderici I. Electoris Brandeburgici, fratri Friderico cognomine Ferreo, in Electoratu successit. Bellô Bohemicô sub Caesare tyrocinia posuit, A. C. 1428. inde Uratislaviensibus, adversus Polonos, Dux datus est. Tum Ludovico Gibboso contra Patrem fortiter adstitit, A. C. 1444. Principum dein 17. auxiliô Norimbergenses, a superioris Germaniae civitatibus adiutos, aggressus, 8. proeliis victor, unô victus est. In bello Moguntino, Adolfo Nassovio contra aemulos adstitit, A. C. 1461. ab Imperatore belli Dux constitutus, sed annô sequente ad Giengam victus est. Inde A. C. 1470. Fratris successor, a Pomeranis, ut Stetinensem et Pomerianae Ducatus a se in feudum acciperent, impetravit. Sequienti annô Imperialium copiarum ad Novesium, contra Carolum Burgundum Dux fuit. Obiit A. C. 1486. Miles fortissimus, et haftiludiorum quoque peritissimus: Auctor insuper Legum fundamentalium domus, et confraternitatis cum Saxonibus ac Hassis. Calvaria eius Hailsronnae, ubi sepultus, ostenditur, in cuius continuo osse nullae suturae, imo nec vestigia, apparent. Eius filii, Iohannes Electoralem lineam continuavit et Fridericus Franconicam orsus est.

Hofmann J. Lexicon universale. 1698.


Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.